Transcription
1
Monseigneur, par mes dernières lettres je vous escripvoys que jestoys sur le poinct
2de resouldre avec monsieur de Marcieu tous les legatz que feu [barré : fiz ]
3
messieurs de Tallar et de Boutières mavoyent faictz pour en avoyr une
4
obligation et asseurance de luy, ce que jay faict dont je loue
5
Dieu ; et suys si contant de luy que par son moyen jauroy loy de
6
me bien monter et tenir en equipaige au près de vous pour vous
7
faire très humble service et de faire boullir la marmite. Après cela,
8
il me commande daller bayser les mains de sa part à monseigneur
9
le duc de Nemours pour entendre de luy quel alegement et secours
10
il avoyt receu dung medcin milaynoys que son altesse luy
11
avoyt adressé. Je le treuvey à Necy [Annecy ?] en assés bonne disposition
12
car ce jour là il avoyt esté à la chasse, non toutesfoys
13
par le scavoyr et industrie dudit medecin qui est ung vray
14
imperite ou charlatan, car au paradvant il se pourtoys
15
aussi bien quil a faict après la purgation par luy ordonnée
16
quest que avant que le purger pour preparer les humeurs,
17
il luy fict menger des oignons, aulx, paticerie espicée, porreaulx,
18
et aultres speces de viendes subiètes à porriture. Après
19
cella, il luy faict des tabletes composées danthimoynes
20
du precipité pouldre de mercuse [mercure] avec argent vifz et
21
plusieurs aultres drogues les plus violantes dequoy
22
on aist jamays ouy parler. Telle purgation a reduict ce
23
bon seigneur en telle extremicté quil a demeuré quarante
24
jours sans menger que du conssumé et colis tant il avoyt
25
la bouche et le gousier jusques à l’oriffice de lestomac
26
[baré : et] ulsseré, de manière quil ne se sent alegé que de la
27
violante purgation sans luy avoyr osté les doleurs
28
[157B]
29
des gouttes ne les neudz. Tout cela recité à monsieur de Marcieu
30
la tellement degotté à cause de sa petite complection quil est
31
resolu ne se mectre entre ses mains. A mon retour je me
32
trovay dimanche en l’assemblé que fust faicte en la vallée
33
où toute la noblesse, lesglise et tiers estat furent assistantz
34
et fust faicte lecture de la lettre quil vous avoyt pleu escripre
35
à monsieur de Montbonoud, là où fust faicte ellection par
36
la pluralité des voix de quatre chefz pour commander en
37
lhunnion et ligue qu’ilz ont preparée des personnes des
38
sieurs de Montbonaud, Larthaudiere, de La Pierre et de La Pero..
39
pour empescher les dessains des perturbateurs du repoz
40
public et en tant que de besoing estre preparés pour en
41
acheminer la part quil vous plaiera ordonner et commander,
42
sentend ceulx qui seront choysis pour lesdits chefz plus
43
aguerrys et cappables et les aultres pour demeurer affin de
44
resister pour la conservation de la valée ainsi lont ilz
45
promis et juré. Je pence quon vous aura adverti de
46
lordre. Ilz ont unanimement esleu pour general monsieur de
47
Marcieu seulement pour avoyr advis, conseil et deliberation
48
tant pour sa longue experience, bonne servelle que aultrement.
49
Je pense que avec le bon ordre quon y mettra avec layde
50
de Dieu, quil pourra inspirer toutes les aultres vallées
51
et communes den faire de mesme affin que pour ung bon coup
52
on puysse veoir ce pouvre peuple en repoz. Hier
53
estant arrivé, je receux une lettre de madame La Grand
54
qui a prins oppignion d’envoyer à la court pour avoyr
55
seconde jussion et me mande par exprès de
56
luy envoyer larrest en dernier lieu donné actaiché
57
avec le contrescel sur ses lettres de don et fere dresser
58
[158A]
59
ses memoyres bien amples pour obtenir ladite jussion ; ce que
60
je feray. Elle desireroyt aussi quil vous pleust luy faire
61
tant de bien den escripre à monsieur du Chastelar en sa
62
faveur pour se y employer à lexpedition de sa depêche
63
et me mander, sil vous plaict, les lettres pour les faire
64
tenir en Piedmont affin que le puysse avoyr son esprict
65
contant avant quune supprecion de telz dons gratuits ne
66
surviene comme le bruict en est. Neust esté cela,
67
dès demain je me fusse acheminé pour vous aller baiser
68
les mains et recepvoyr voz commandementz que je ney vollu
69
faire sans premier vous avoyr adverti de son intention
70
et entendu de vous votre volunté et ce quil vous
71
plaist que je face ; toutesfoys je me tiens tousiours
72
preparé. Je vous supplie donc, monseigneur, me commander
73
ce quil vous plairra car, ce presentant les occasions, je seroys
74
inffinement nmarry que ne fusse près de vous pour vous
75
faire quelque bon service. Actendant donc responce
76
de ce que dessus et votre volunté, je supplieray le Createur
77
vous donner,
78
monseigneur, en parfaicte santé heureuse vye et longue.
79
De Grenoble, ce XXIIIe jour de mars 1574.
80
Votre très humble serviteur
81
Duvant
82
Je pence que celle que madame La Grand vous escript que monsieur le president
83
vous a faict tenir, est de semblable substance que la miene. Je metrey
84
peyne de satisfaire à votre volunté et à la sienne comme personne
85
qui le merite et vous advertirey de ce que aura esté faict. Je nose
86
vous escripre aultre chose, masseurant que vous avés assés
87
daffaires sur voz bratz qui occuppent votre sprict. Dieu vous
88
doint grace de bien tost en venir à bout pour vous veoir en repoz
89
en ceste valée où jespère vous
90
y faire faire ung courier ung jour.